Fai medrar a túa empresa
xunto ao RC Deportivo

O RC Deportivo Business Club celebrou o peche da tempada cunha xornada especial en Golf Xaz, que reuniu a empresas, directivos e profesionais arredor de actividades deportivas de golf e pádel nun ambiente distendido.

A xornada rematou cun cóctel no Pazo de Xaz, onde os asistentes compartiron experiencias e puxeron en valor as conexións xeradas ao longo de toda a tempada, consolidando o club como un referente do networking empresarial en Galicia.

Con motivo do partido de Liga entre o RC Deportivo e o CD Leganés, ambos clubs de empresas reuníronse en ABANCA-RIAZOR nunha xornada de networking e vivencia conxunta do partido.

Empresarios de ambas entidades gozaron dunha experiencia exclusiva: benvida institucional, percorrido polo estadio, fotomatón e palco compartido para vivir o encontro, fortalecendo lazos entre as comunidades empresariais da Coruña e Madrid.

O RC Deportivo Business Club celebrou en marzo unha visita especial ao Dépor Museo&Tour, cunha gran participación das empresas asociadas.

A xornada combinou networking, historia do Club e unha experiencia única dentro de ABANCA-RIAZOR.

O RC Deportivo Business Club e o RSG Business Club únense nun encontro durante a xornada 4 Dépor-Sporting de Xixón no estadio ABANCA-RIAZOR.

Preto de 40 empresas de ambos clubs e máis de 60 empresarios participaron no encontro. Todos eles gozaron dun breve percorrido polo estadio, ademais dunha dinámica de presentacións entre empresas de ambas entidades.

O RC Deportivo Business Club quixo despedir o ano por todo o alto facendo para os seus membros unha actividade de Showcooking no restaurante Árbore da Veira.

A xornada congregou a trinta empresarios de diferentes entidades vinculadas ao Club que puideron gozar dunha tarde-noite de leccións de cociña da man do Chef Luis Veira.